Онцлох мэдээ:              8 дугаар сарын 12-ны өдрийн байдлаар Алтай нуруунаас эхтэй  Ховд гол, Увс нуурын савын Хахираа, Чигж Хэнтий нуруунаас усжих Балж, Улз, Хэрлэн голууд үерийн түвшинг 5-60 см даван үерлэж байгаа бол Хэнтий нурууны Онон гол Дадал сум, Хүдэр гол Хүдэр сум, Ерөө гол Шаамар сум Дулаанхаан тосгон, Туул гол Лүн сум орчмоор үерийн аюултай түвшинг 5-20 см даван хүчтэй үерлэсэн хэвээр байна. Цаашид нутгийн ихэнх хэсгээр бороо орох төлөвтэй байгаа  тул дээр дурьдсан голууд болон гол мөрний сав дагуу суурьшиж, нутагшиж буй ард иргэд, аж ахуйн нэгж, аялж зугаалж яваа хүмүүсийг болзошгүй үер усны  аюулаас урьдчилан сэргийлэхийг онцгойлон  анхааруулж байна.   Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс 2020-08-12

Ажиглалтын мэдээ > Цаг агаарын мэдээ
Шинэчлэгдсэн: 2020-08-10 10:42:27

Хэвлэх

7 хоногийн тойм

2020 оны 08 дугаар сарын 03-ны 08 цагаас 08 дугаар сарын 10-ны 08 цаг хүртэлх

7 хоногийн цаг агаарын тойм

Тунадас: 3-нд баруун болон төвийн аймгуудын нутгийн хойд хэсэг, зүүн аймгуудын нутгийн зарим газраар, 4-нд баруун аймгуудын нутгийн хойд, төвийн аймгуудын нутгийн баруун, зүүн аймгуудын нутгийн зүүн хэсгээр, 5-нд баруун болон төвийн аймгуудын ихэнх нутаг, зүүн амгуудын нутгийн баруун хойд хэсгээр, 6-нд төв аймгуудын ихэнх нутаг, баруун аймгуудын нутгийн зүүн, говийн аймгуудын нутгийн баруун, зүүн амйгуудын нутгийн хойд хэсгээр, 7-нд баруун аймгуудын нутгийн баруун өмнөд, говийн аймгуудын нутгийн хойд хэсэг, төв болон зүүн аймгуудын нутгийн зарим газраар, 8-нд нутгийн зарим газраар, 9-нд баруун аймгуудын нутгийн баруун, говийн аймгуудын нутгийн зүүн өмнөд хэсэг, төв болон зүүн аймгуудын нутгийн зарим газраар, 10-нд баруун аймгуудын нутгийн зүүн, төвийн аймгуудын нутгийн баруун өмнө болон зүүн хойд, зүүн аймгуудын нутгийн хойд хэсгээр бороо, зарим газраар дуу цахилгаантай аадар бороо орж, 7 хоногийн нийлбэр тунадасны хэмжээгээр 0.1-137.3 мм орсон байна. Үүнээс хамгийн их нь Баян-Өлгийн Буянтад 137.3 мм, Дорнодын Баяндун, Баян-Уул, Цагаан-Овоо, Дашбалбар, Сэлэнгийн Хүдэрт 50.0-66.1 мм,  Дорнодын Гурванзагал, Завханы Цэцэн-Уул, Хэнтийн Барширээт, Норовлин, Сэлэнгийн Бугант, Хөвсгөлийн Улаан-Уулд 38.3-44.4 мм бороо орсон байна.

Агаарын хамгийн их температур: Хугацааны эхний хагаст ихэнх нутгаар халж Монгол-Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Завхан голын эхээр +18...+23 градус, Орхон, Сэлэнгэ, Туул голын хөндий болон Дорнодын тал нутгаар +27...+32 градус, Хангайн нурууны өвөр бэл, говийн бүс болон Дарьгангын тал нутгаар +31...+38 градус, бусад нутгаар +23...+28 градус дулаан байв. 

Агаарын хамгийн бага температур: Хугацааны сүүлчээр ихэнх нутгаар сэрүүсч Монгол-Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эхээр +1...+6 градус, Их нууруудын хотгор, говийн бүс нутгийн өмнөд хэсэг, Дорнод Дарьгангын тал нутгаар +13...+19 градус, бусад нутгаар +7...+12 градус хоносон байна.

 

Cалхи: Ихэнх хугацаанд секундэд 6-11 метр, 6, 7, 8-нд говийн бүс нутгийн зарим газраар секундэд 20-27 метр, бусад хугацаанд зарим газраар борооны өмнө секундэд 16-18 метр хүртэл ширүүссэн байна.

Улаанбаатар хот орчмоор: 5, 6, 7, 9-нд 0.0-1.0 мм, 8-нд 3.0-5.0 мм бороо орсон. Салхи ихэнх хугацаанд секундэд 6-11 метр, 8-нд секундэд 13-20 метр хүрч ширүүссэн байна. Шөнөдөө хугацааны сүүлчээр сэрүүсч +6...+8 градус, өдөртөө хугацааны дунд үеэр халж +28...+30 градус, хугацааны эхэн болон сүүлчээр сэрүүсэж +19...+21 градус байлаа.

ЦАГ УУР, ОРЧНЫ ШИНЖИЛГЭЭНИЙ ГАЗАР

Онцлох мэдээ

Урьдчилан сэргийлэх мэдээ

Өнөөдөр  Говьсүмбэр, Дорноговь, Хэнтийн нутаг, Дундговийн зүүн, Сүхбаатарын баруун хэсгэ
Дэлгэрэнгүй >
Улаанбаатар - 2020/08/12

11 цаг

18 64
O
CF
Үзэгдэлгүй

0 м/с

ӨНӨӨДӨР - 2020/08/12

20 68
O
CF
Бороо

11 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store