Онцлох мэдээ: Нэгдүгээр сарын хоёрдугаар арав хоногийн байдлаар манай орны гол мөрөн, нуурын мөсний зузаан эрчимтэй нэмэгдэж байгаа хэдий ч нуурын толио болон гол мөрний нийт уртын дагууд мөсний зузаан харилцан адилгүй байгаа ба  мөсний даац хүн, мал, машин тэрэг явахад аюулгүй хэмжээнд хүрч бэхжээгүй тул мөсөн дээгүүр явах болон авто тээвэр хийхгүй байхыг онцгойлон анхааруулж байна. Гадаргын усны судалгааны хэлтэс 2020-01-22

Ажиглалтын мэдээ > Цаг агаарын мэдээ
Шинэчлэгдсэн: 2020-01-20 09:59:33

Хэвлэх

Цаг агаарын 7 хоногийн тойм

2020 оны 01 дүгээр сарын 13-ны 08 цагаас 1 дүгээр сарын 20-ны 08 цаг хүртэлх
 цаг агаарын тойм

Тунадас: 15-нд Говь-алтайн нурууны өвөр бэлээр, 16-17-нд Хангай, Хөвсгөлийн уулархаг нутгаар, 18-нд баруун болон төвийн аймгуудын нутгийн хойд хэсгээр, 19-нд төв болон зүүн аймгуудын нутгийн зарим газраар 0,0-3,2 мм цас орсноос хамгийн их нь Увсын Тэсд 3,2мм, Зүүнговьд 2,6мм, Өндөр-хангайд 2,4мм, Завханы Баянтэс, Тэсд 3,2мм байна.

Цасны зузаан: Өнөө өглөөний 08 цагийн өртөө, харуулуудын талбай дээрх ажиглалтын мэдээгээр Увс, Ховд, Завхан, Говь-Алтай, Баянхонгор, Хөвсгөл, Архангай, Өвөрхангай, Булган, Сэлэнгэ, Төв, Дундговь, Говьсүмбэр, Хэнтий, Дорнод, Сүхбаатарын нутаг, Баян-Өлгийн хойд болон өмнөд, Өмнөговийн баруун хойд, Дорноговийн хойд хэсгээр 1,0-33.0 см зузаан цасан бүрхүүл тогтсон байна. Үүнээс хамгийн их нь Завханы Баянтэс 33см, Тосонцэнгэл, Их-уул 27см, Увсын Малчин 27см, Хяргас 20см, Зүүнговь 15см, Завханы Тэс 21см, Цагаанхайрхан 16см, Түдэвтэй 15см, Цагаанчулуут 15см, Улиастай 14см, Баянхайрхан 14см, Хөвсгөлийн Жаргалан 16см, Чандгат 14см, Цагаан-Үүр 11см, Сэлэнгийн Бугант 21см, Хүдэр 18см, Булганы Бугат 13см, Орхон 11см, Хангал 11см, Хэнтийн Батноров, Батширээт, Баян-Адарга 13см, Дорнодын Халх гол 18см, Сүхбаатарын Асгат 15см, Сүхбаатар 14см, бусад нутгаар 1-10 см зузаан цастай байна. 

Агаарын хамгийн их температур: Ихэнх хугацаанд хүйтний эрч суларч өдөртөө Увс нуур болон Дархадын хотгор, Завхан голын эх, Идэр, Тэс голын хөндийгөөр -22...-26 градус, Хангай, Хөвсгөл, Хэнтэйн уулархаг нутаг, Хүрэн бэлчир, Орхон-Сэлэнгэ, Эг-Үүр, Хараа, Ерөө, Туул, Тэрэлж, Хэрлэн, Онон, Улз, Халх голын хөндий, Дарьгангын тал нутаг -16...-21 градус, Алтайн өвөр говь болон говийн нутгийн өмнөд хэсэг болон цас багатай энгэр ээвэр газраар  -2...-9 градус,  бусад нутгаар -10...-15  градус хүйтэн байв. 

      Агаарын хамгийн бага температур: 17-18-нд хүйтэрч шөнөдөө Увс нуур болон Дархадын хотгор, Завхан голын эх, Идэр, Тэс голын хөндий, Хүрэн бэлчир орчмоор -37...-43 градус, Хангай, Хөвсгөл, Хэнтэйн уулархаг нутаг, Их нууруудын хотгор, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, улз, Халх голын хөндийгөөр -30...-36 градус, говийн бүс нутгийн өмнөд хэсэг, цас багатай энгэр ээвэр газраар  -18...-23 градус, бусад нутгаар -24...-29 градус  хүйтэн хоносон байна.

Cалхи: Өнгөрсөн 7 хоногт ихэнх хугацаанд цаг агаар тогтуун секундэд 3-8 метр байв. Харин 17-нд Алтайн салбар уулсаар, 18,19-нд Алтайн уулс болон говь, тал, хээрийн нутгаар нутгаар секундэд түр зуур 16-21 метр, бусад нутгаар секундэд 12-14 метр хүрч ширүүссэн байна.

Улаанбаатар хот орчмоор: 19-нд 0,0-0,3 мм цас оров. Бусад хугацаанд цас ороогүй. Салхи ихэнх хугацаанд секундэд 3-8 метр. Цаг агаар тогтвортой хүйтэн шөнөдөө Яармаг-Сонгины орчмоор -28...-32 градус, бусад хэсгээр -22...-25 градус, өдөртөө -11...-15 градус хүйтэн  байв.

Улаанбаатар - 2020/01/25

20 цаг

-14 6
O
CF
Утаа
1 м/с

ӨНӨӨДӨР - 2020/01/25

-9 15
O
CF
Цэлмэг

5 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store